8 чэрвеня 2022 года аналітыкі БІСД прынялі анлайн-удзел у IV Міжнароднай канферэнцыі «Інфармацыя і камунікацыя ў лічбавую эпоху: відавочныя і няяўныя ўздзеянні» ў межах Міжурадавай праграмы ЮНЕСКА «Інфармацыя для ўсіх» і XIII Міжнароднага IT-Форума і выступілі з дакладам «Злонаўмыснае выкарыстанне штучнага інтэлекту для дэзінфармацыі фарміравання павесткі дня: сучасная практыка ў краінах Афрыкі».
Канферэнцыя арганізавана сумесна з Урадам Ханты-Мансійскай аўтаномнай акругі – Югры, Міністэрствам лічбавага развіцця, сувязі і масавых камунікацый Расійскай Федэрацыі, Камісіяй Расійскай Федэрацыі па справах ЮНЕСКА і Праграмай ЮНЕСКА «Інфармацыя для ўсіх»
На секцыйных пасяджэннях прадстаўлены даклады ўдзельнікаў з 35 краін, разгледжана ўздзеянне развіцця інфармацыйна-камунікацыйных тэхналогій на функцыянаванне дзяржаўных інстытутаў і крытычна важных аб’ектаў інфраструктуры, сацыякультурныя і палітычныя наступствы перавытворчасці інфармацыі, забеспячэнне баланса свабоды самавыражэння ў лічбавым асяроддзі і інфармацыйна-псіхалагічнай бяспекі насельніцтва. Падкрэслена важнасць міждзяржаўнага супрацоўніцтва ў сферы міжнароднай інфармацыйнай бяспекі.