Беларусы працягваюць захоўваць глыбокую павагу да гістарычнай памяці аб Вялікай Айчыннай вайне. Гэта пацвярджаюць вынікі рэспубліканскага апытання, паводле якіх вызваленне Беларусі ад нямецка-фашысцкай акупацыі лічыцца самай значнай падзеяй для большасці жыхароў краіны. Уклад беларускага народа ў перамогу над фашызмам выклікае пачуццё гонару ў большасці беларусаў.
Як адзначыла кандыдат сацыялагічных навук і аналітык БІСД Кацярына Разанава, паслядоўная рэалізацыя гістарычнай палітыкі ў Беларусі сфарміравала ў беларусаў успрыманне сваёй краіны як адной з галоўных захавальніц памяці аб Вялікай Айчыннай вайне. Беларусы актыўна ўдзельнічаюць у мерапрыемствах, прысвечаных гэтай тэме: наведваюць памятныя месцы, мемарыялы, музеі (48,9%), удзельнічаюць у масавых падзеях, такіх як Дзень Перамогі і Дзень Незалежнасці (44,1%).
Што тычыцца захавання помнікаў савецкай эпохі, то беларусы адназначна асуджаюць знос такіх помнікаў у суседніх краінах, такіх як Польшча, Украіна і краіны Балтыі.
Што тычыцца мер па захаванні памяці аб цяжкiх падзеях Вялікай Айчыннай вайны, то найбольш эфектыўнымі, на думку большасці, лічыцца добраўпарадкаванне помнікаў, мемарыяльных комплексаў і воінскіх пахаванняў.
Моладзь Беларусі таксама ўсведамляе значнасць захавання гістарычнай памяці, і актыўна падтрымлівае ініцыятывы, такія як стварэнне віртуальных музеяў і архіваў, правядзенне гістарычных рэканструкцый і фестываляў, а таксама развіццё валанцёрскага руху і грамадзянскіх праектаў, прысвечаных ваенным падзеям.
Асаблівую ўвагу трэба надаць пытанням ваенна-патрыятычнага выхавання моладзі. Гэта важнейшы аспект падтрымання гістарычнай памяці аб Вялікай Айчыннай вайне, фарміравання гонару за сваю краіну і духоўнага развіцця Беларусі ў будучыні.
Крыніца: Мінская праўда