Кіраўніцтва і аналітыкі БІСД 7 і 8 кастрычніка 2020 г. у фармаце відэаканферэнцыі прынялі ўдзел у XXIII Еўразійскім эканамічным форуме. Традыцыйным арганізатарам мерапрыемства выступае турэцкі Фонд стратэгічных і сацыяльных даследаванняў “Мармара груп”.
На пляцоўках канферэнцыі абмеркаваны пытанні эканомікі, энергетыкі, падтрымання міру і бяспекі ў Еўразійскім рэгіёне, развіцця ініцыятывы “Адзін пояс, адзін шлях”, пабудовы “новага свету” пасля каранавіруса.
Беларускі бок выступіў аб сацыяльна-палітычных рызыках посткавіднага свету.
Адзначана, што “палітызацыя барацьбы з пандэміяй можа яшчэ больш раздрабніць міжнародную супольнасць, фарміруючы перадумовы для міжусобных інфармацыйных войн”. У якасці выйсця прапанавана стварэнне моды на ўзаемадапамогу: “трэба дзяліцца найлепшымі практыкамі, пераадольваць супярэчнасці і шаблоны ўзаемнага ўспрымання адзін аднаго”.
