2 мая ў рэжыме анлайн-канферэнцыі адбылася сустрэча кіраўніцтва і аналітыкаў БІСД з прадстаўнікамі цэнтра перадавога вопыту Глабальнага Поўдня DAKSHIN (Global South Centre of Excellence) пры Даследчай і інфармацыйнай сістэме для краін, якія развіваюцца (Research and Information System for Developing Countries), аднаго з найстарэйшых аналітычных цэнтраў Індыі.
Даведачна.
Структура створана ў 1983 годзе ў рамках Руху недалучэння ў якасці аналітычнага цэнтра для краін, якія развіваюцца, са штаб-кватэрай у Нью-Дэлі. Асноўныя напрамкі даследаванняў: глабальнае эканамічнае кіраванне і супрацоўніцтва; гандлёва-эканамічнае і інвестыцыйнае супрацоўніцтва; спрашчэнне працэдур гандлю, узаемазвязанасць і рэгіянальнае супрацоўніцтва; новыя тэхналогіі і праблемы развіцця. Задумана як форум для садзейнічання эфектыўнаму палітычнаму дыялогу і нарошчванню патэнцыялу паміж краінамі, якія развіваюцца, па глабальных і рэгіянальных эканамічных пытаннях. Акрамя правядзення даследаванняў займаецца навучаннем у галіне гандлю і тэхналогій, а таксама аналізам нарошчвання патэнцыялу. У 2016 годзе RIS таксама прыступіла да больш шырокіх намаганняў па дасягненні МУР, гандлёвай і экалагічнай устойлівасці, навуковай дыпламатыі, супрацоўніцтва па лініі Поўдзень-Поўдзень і новых пытанняў глабальнага кіравання. Мае добра развітую сетку устаноў-партнёраў у Індыі і за яе межамі, а таксама кіруе буйной сеткай аналітычных цэнтраў NeST.
У ходзе віртуальнай сувязi удзельнікі сустрэчы на ўзаемнай аснове прэзентавалі прафесійныя профілі сваіх структур, а таксама абмеркавалі магчымыя напрамкі, фарматы і механізмы супрацоўніцтва ў мэтах абмену вопытам і лепшымі практыкамі ў сферах, якія ўяўляюць узаемную цікавасць.
Асобна адзначаны магчымыя перспектывы практычнага ўзаемадзеяння ў фармаце Афрыка-Індыя-Беларусь.
З боку кіраўніцтва БІСД пацверджана гатоўнасць паэтапна падключацца да працы ў рамках сеткі аналітычных цэнтраў NeST.
Прыкладзеныя БІСД намаганні па развіцці партнёрскіх адносін з вядучымі індыйскімі аналітычнымі цэнтрамі закліканы спрыяць вырашэнню прыкладных задач, закладзеных у праекце Дарожнай карты па развіцці ключавых напрамкаў супрацоўніцтва з Індыяй на 2024-2026 гады.
