Дата публикации

Аналітык БІСД: з выключэннем Беларусі з рэгіянальных лагістычных ланцужкоў прыйдзецца пачакаць

Прэзідэнт Беларусі Аляксандр Лукашэнка лічыць неабходным нават ва ўмовах санкцый не скідаць з рахункаў рынак Еўрасаюзу і працаваць з адпаведнымі краінамі па прасоўванню айчынных тавараў. З выключэннем Беларусі з рэгіянальных лагістычных ланцужкоў прыйдзецца пачакаць. Такое меркаванне выказала аналітык Беларускага інстытута стратэгічных даследаванняў (БІСД) Вольга Лазоркіна, паведамляе БЕЛТА.

«Рэспубліка Беларусь з’яўляецца паўнавартасным членам сусветнай супольнасці. Да гэтага часу адзіны орган, які мае права прымяняць санкцыі, - ААН не разглядае гэтае пытанне нават ініцыятыўна. Пагэтаму аднабаковыя абмежавальныя меры, прынятыя ў адносінах Беларусі і Расіі з боку ЕС і ЗША, мы не лічым легітымнымі і рашуча адвяргаем. Яны ўведзены з парушэннем мноства міжнародных правіл, якія былі ўхвалены нашымі сённяшнімі апанентамі ў тым ліку»,- адзначыла Вольга Лазоркіна.

Эксперт звярнула ўвагу, што для Беларусі пытанне выбару між Захадам і Усходам ніколі не стаяла і не стаіць. Еўрапейскі кантынент быў і застаецца для Беларусі цывілізацыйным якарам і цэнтрам культурнага прыцягнення.

«Беларусь мае не толькі жаданне захаваць свае пазіцыі ў рэгіянальным гандлі, але і ўласнасць у ЕС. Увядзенне санкцый абсалютна не азначае, што мы закрываем гэтае пытанне і шукаем шчасця за іншымі морамі. Мы працягваем метадычную работу па ўсіх даступных каналах з мэтай данесці да міжнароднай супольнасці не толькі нашу пазіцыю ў адносінах рабаўніцкіх дзеянняў асобных дзяржаў, але і вынесці гэтае пытанне на больш шырокае абмеркаванне. Асабліва важна разабрацца з тэрміналогіяй, якую выкарыстоўваюць нашы апаненты: называючы краінавыя абмежавальныя меры санкцыямі, яны тым самым імкнуцца замацаваць іх легітымнасць. Дазволіць ім гэта зрабіць мы не можам. Права голасу Беларусь пакуль ніхто не пазбаўляў», - лічыць аналітык БІСД.

Афіцыйная пазіцыя Вільнюса і Варшавы ўсё выразней выяўляе разрыў між кіраўніцтвам краіны і грамадзянамі. Палякі і літоўцы ніколі не адчувалі непрыязнасці да беларусаў. «Мы ніколі не давалі ім нагоды. Што датычыцца бізнес-супольнасці нашых краін суседзяў, то ў нас ёсць для іх цікавыя дзелавыя прапановы, а не забароны і банкроцтва»,- сказала Вольга Лазоркіна.

Чаканні і магчымасці Беларусі захаваць свае пазіцыі ў рэгіянальных гандлёвых ланцужках у Еўропе заснаваны выключна на прагматычных меркаваннях, адзначае эксперт. Прэзідэнт Беларусі ў сваім выступленні іх выразна абазначыў: высокая запатрабаванасць калійных угнаенняў і прадуктаў нафтаперапрацоўкі на еўрапейскім рынку. Акрамя таго, лагістычныя перавагі дазваляюць нашай прадукцыі быць канкурэнтаздольнай.

«Вяртанне да стратэгічнага мыслення ў ЕС непазбежна (гэта пытанне часу), так як сітуацыя складваецца такім чынам, што ЕС прыйдзецца адшукваць рэсурсы, каб не пагрузіцца ў хаос, прычым ужо цяперашняй зімой. Беларусь заўсёды гатова працягнуць руку дапамогі», - рэзюміравала аналітык БІСД.