У ІСМД адбыўся “круглы стол” з удзелам экспертаў Беларускага інстытута стратэгічных даследаванняў (БІСД). Мерапрыемства арганізавана ў адпаведнасці з падпісаным у Мінску ў ліпені г. г. Планам сумесных мерапрыемстваў у рамках двухбаковага супрацоўніцтва паміж ІСМД і БІСД на 2019-2020 гг.
У працы “круглага стала” ўзялі ўдзел прадстаўнікі Інфармацыйна-аналітычнага цэнтра міжнародных адносін, цэнтра “Стратэгія развіцця”, Цэнтра эканамічных даследаванняў, супрацоўнікі пасольства Беларусі ў Ташкенце.
Падчас мерапрыемства абмеркаваны бягучы стан і перспектывы ўзбекска-беларускіх адносін у кантэксце сітуацыі ў Цэнтральнай Азіі.
Адзначалася, што дадзенае мерапрыемства з’яўляецца лагічным працягам дамоўленасцей, дасягнутых паміж кіраўнікамі дзвюх краін падчас першага афіцыйнага візіту Прэзідэнта Узбекістана Шаўката Мірзіёева ў Рэспубліку Беларусь у жніўні г. г. Па яго выніках было падпісана 11 міжурадавых і міжведамасных пагадненняў.
Асабліва падкрэслівалася, што магутны імпульс развіццю ўзбекска-беларускага супрацоўніцтва надало правядзенне ў Мінску першага Форуму рэгіёнаў Беларусі і Узбекістана, па выніках якога намеціліся цікавыя праекты ў сферы медыцыны, сельскай гаспадаркі, інфармацыйных тэхналогій.
За кароткі тэрмін узаемадзеянне ў рэалізацыі праектаў у сферы ІКТ ўжо перайшло ў практычную плоскасць. У верасні г. г. прэм’ер-міністр Узбекістана А. Арыпаў прыняў групу вядучых беларускіх спецыялістаў у сферы IT-тэхналогіі. У той жа час на вуліцах Ташкента апрабуецца першы электробус вытворчасці “Белкамунмаша”.
Перспектыўнымі напрамкамі з’яўляюцца наладжванне сумеснай вытворчасці трактароў МТЗ на Ташкенцкім трактарным заводзе, а таксама лекаў для пакрыцця патрэб не толькі ўзбекскага, але і афганскага, і пакістанскага рынкаў.
Гэтыя і іншыя тэмы паглыблення практычнага ўзаемадзеяння і кааперацыі дзвюх краін, а таксама пошук новых перспектыўных напрамкаў супрацоўніцтва былі ў фокусе дыялогу экспертаў вядучых аналітычных цэнтраў Узбекістана і Беларусі.
Акрамя таго, у рамках праграмы знаходжання беларускіх экспертаў прадугледжаны іх сустрэчы ў Сенаце і Заканадаўчай палаце Олій Мажліса Рэспублікі Узбекістан, ЦВК, Ліберальна-дэмакратычнай партыі Узбекістана, у цэнтры “Стратэгія развіцця”, Агульнанацыянальным руху “Юксаліш”, Ташкенцкім дзяржаўным інстытуце ўсходазнаўства, Інстытуце гісторыі Акадэміі навук РУ, УСЭД.
