Зазірнуць за гарызонты планавання
У Мінску прайшла сустрэча беларускіх экспертаў з Аляксандрам Аузанам, выдатным расійскім эканамістам. Арганізатарам мерапрыемства выступіў Беларускі інстытут стратэгічных даследаванняў. Удзельнікі сустрэчы абмеркавалі пытанні ўдасканалення эканамічнай палітыкі дзяржаў, уздзеянне на яе сацыякультурных аспектаў, накірунку трансфармацыі эканамічнай мадэлі.
Намеснік Кіраўніка Адміністрацыі Прэзідэнта Максім Ермаловіч па выніках сустрэчы паведаміў журналістам, што Беларусі цікавы замежны вопыт удасканалення інстытутаў кіравання эканомікай:
- Краіны адрозніваюцца адна ад другой, інстытуты працуюць па-рознаму. І каб зразумець, як і што будзе працаваць у Беларусі, трэба праводзіць глыбокія даследаванні, сфарміраваць навукова абгрунтаваную мадэль эфектыўнай сістэмы. Жыццё мяняецца, ёсць глабальныя, рэгіянальныя трэнды. Адбываецца цыфравізацыя ўсіх сфер. Неабходна пэўная эвалюцыя і ў інстытутах. Адны накірункі трэба падтрымліваць, іншыя – падвяргаць больш жорсткаму рэгуляванню.
На думку Максіма Ермаловіча, Беларусь і Расія праходзяць важны, пераломны этап развіцця. Ад прынятых зараз рашэнняў будзе залежаць будучыня краін. Пагэтаму важна ацаніць існуючыя інстытуты, каб у далейшым дабівацца большай эфектыўнасці.
– Любое экспертнае меркаванне важнае і карыснае. А тым больш такога імянітага эканаміста як Аляксандр Аузан. Асноўная тэма гутаркі – беларуская мадэль, як яна выглядае ў параўнанні з іншымі краінамі, у чым яе перавагі і недахопы, якія могуць узнікаць рызыкі ў доўгатэрміновай перспектыве. У нас атрымалася цікавая дыскусія. Гэта спроба зазірнуць за гарызонты планавання, – адзначыў Максім Ермаловіч.
Аляксандр Аузан у гутарцы з журналістамі выказаў думку, што эканомікі Беларусі і Расіі справіліся з уздзеяннем санкцый лепш, чым прагназавалася:
- Эканамісты прагназавалі значны спад пад напорам санкцый, але эканомікі добра справіліся. Ёсць заслуга ў гэтым цэнтральных банкаў, урадаў. Але асноўную цяжкасць развароту ўзялі на сябе прадпрыемствы, бізнес. Для Расіі вывадам стала, што рыначная эканоміка працуе. Гэта не было відавочна да пачатку цяжкага выпрабавання.
Разам з тым ён лічыць, што пакуль рана падводзіць вынікі. Будуць новыя цяжкасці. Галоўная бяспека санкцый не ў экспарце-імпарце, асартыменце, а ў доступе да высокіх тэхналогій. Аб сумеснай рабоце ў мікраэлектроннай прамысловасці Аляксандр Аузан сказаў:
– У Беларусі і Расіі няма іншага выхаду, як супрацоўнічаць. Нам трэба атрымаць адносна хуткія працуючыя мікрапрацэсары. Думаю, яны абавязкова будуць. Не факт, што вельмі ўжо добрымі з пункту гледжання глабальнай канкурэнтаздольнасці. Амаль напэўна будуць дарагімі і не вельмі эканамічнымі. Але яны дазволяць захаваць крытычна важныя сістэмы. Зрабіць мы зможам. Наколькі ўдала – паглядзім.
Вучоны лічыць, што галоўная каштоўнасць Беларусі і Расіі – людзі:
- У нашых краінах чалавечы патэнцыял заўсёды быў вышэй, чым стан многіх галін і інстытутаў. Мы захоўваем надзею на высокатэхналагічнае развіццё і эканамічны вынік.
На думку Аляксандра Аузан, беларуская мадэль эканомікі мае свае перавагі. Краіна дабілася поспехаў у развіцці IT-сектара, машынабудавання.