Аналітык БІСД Валянцін Старычонак удзельнічаў у экспертным семінары “Адзін пояс, адзін шлях”: магчымасці і перспектывы супрацоўніцтва між Кітаем і Беларуссю” (Кітай, г.Шэньян). Семінар арганізаваны Інстытутам вывучэння адкрытай эканомікі Кітая Ляанінскага ўніверсітэта і прымеркаваны да 10-гадовага юбілею з дня вылучэння Старшынёй КНР Сі Цзіньпінам ініцыятывы “Пояса і шляху”.
Падчас мерапрыемства адбыўся дыялог БІСД з рознымі фабрыкамі думкі КНР па актуальных пытаннях беларуска-кітайскага супрацоўніцтва, магчымасцях нарошчвання ўзаемадзеяння між рэгіёнамі Кітая і Беларусі, ролі экспертнай супольнасці ва ўмацаванні дружалюбных адносін дзвюх краін, у тым ліку праз аналітычнае суправаджэнне рэалізацыі канцэпцыі “Пояса і шляху”.