Развіццё рэгіёнаў застаецца галоўным прыярытэтам эканамічнай палітыкі - аналітык БIСД
У апошнiя лiпеньскiя днi адбылася працоўная паездка Прэзiдэнта ў Брэсцкую вобласць. Адметна, што iнспекцыя рэгiёнаў пасля вялікай селектарнай нарады па арганiзацыi жатвы пачалася менавiта з Берасцейшчыны. I гэта невыпадкова, бо рэгiён традыцыйна лiчыцца адным з найбольш аграрна развiтых. Гэта падцвярджаецца высокiм узроўнем механiзацыi, укараненнем сучасных тэхналогiй, забеспячэннем больш за чвэрць рэспублiканскага аб'ёму сельскагаспадарчай прадукцыi. Разам з тым стрыманыя ацэнкi кiраўнiка дзяржавы задаюць планку ўсёй краiне. Патрабаваннi застаюцца жорсткiмi: дысцыплiна, эфектыўнасць, выкананне тэхналагiчных рэгламентаў, iнiцыятыва. Гэта сiгнал усiм абласцям: развiццё патрабуе пастаяннага руху наперад, бо менавiта такi падыход фармiруе рэпутацыю дзяржавы i гарантуе яе харчовую бяспеку.
Фота БЕЛТА
Выпрабаванне падчас паездкi доследнага ўзору камбiнаванага рулоннага прэс‑падборшчыка, вырабленага на «Бабруйскаграмашы», падкрэслiвае асаблiвую ўвагу Прэзiдэнта да «вузкiх месцаў» у сельскай гаспадарцы. Працяглы час iснавала праблема своечасовай апрацоўкi i далейшага эфектыўнага выкарыстання саломы, якая застаецца на палях пасля ўборкi ўраджаю. Мiж тым салома мае шматпрофiльнае прызначэнне: яна выкарыстоўваецца як арганiчнае ўгнаенне пры заворванні ў глебу, служыць падсцiлкай для жывёлы i кармавой базай у жывёлагадоўлi. Аднак без своечасовай i якаснай уборкi гэты рэсурс губляе сваю каштоўнасць, а яго назапашванне на палях стварае сур'ёзныя рызыкi для наступнага севу азiмых культур i запавольвае тэмпы палявых работ. Менавiта таму стварэнне айчыннага прэс‑падборшчыка было вызначана як прыярытэтная задача. Вопыт кааперацыi шэрагу айчынных вытворцаў дазволiў стварыць тэхнiку, якая будзе запатрабавана.
Зразумелая ўвага Прэзiдэнта да перапрацоўчай галiны. Вядомая кампанiя «Савушкiн прадукт», безумоўна, з'яўляецца адным з лiдэраў айчыннай харчовай прамысловасцi, якi добра вядомы далёка па‑за межамi Беларусi. Вытворчая пляцоўка прадпрыемства ў Бярозе з'яўляецца яркiм прыкладам эфектыўнасцi прыватызацыi «па‑беларуску». У 2018 годзе «Савушкiн прадукт» выкупiў Бярозаўскi сыраробны камбiнат. За кароткi тэрмiн праведзена яго маштабная мадэрнiзацыя, быў захаваны працоўны калектыў. Пляцоўка стала найбуйнейшым у Беларусi заводам па выпуску паўцвёрдых сыроў магутнасцю да 140 тон у суткi. Гэты прыклад дэманструе, як правiльна арганiзаваная прыватызацыя можа стаць рухавiком развiцця. Менавiта такая мадэль адпавядае беларускаму падыходу да эканамiчнага развiцця, калi дзяржава i бiзнес дзейнiчаюць у адзiнай сiстэме каардынат, арыентаванай на доўгатэрмiновы вынiк. Станоўчы вопыт «Савушкiна прадукта» па iнтэграцыi ў кампанiю новых вытворчых пляцовак дае ўпэўненасць, што мадэрнiзацыя Полацкага малочнага камбiнату, якi быў прыватызаваны ў гэтым годзе, дасягне пазiтыўных вынiкаў i дасць iмпульс развiццю жывёлагадоўлi на Вiцебшчыне.
Падкрэслю, што для такiх буйных перапрацоўчых прадпрыемстваў крытычна важна мець надзейную i дастатковую сыравiнную базу. Магутнасцi заводаў патрабуюць значных аб'ёмаў малака, таму развiццё ўласных ферм i доўгатэрмiновыя кантракты з пастаўшчыкамi становяцца стратэгiчным прыярытэтам. Менавiта таму Прэзiдэнт надаваў асаблiвую ўвагу падчас наведвання прадпрыемства, падкрэслiваючы неабходнасць iнвестыцый у аграрны сектар.
Сiмвалiчна, што ў ходзе паездкi прадпрыемству i яго працаўнiкам былi ўручаны дзяржаўныя ўзнагароды. Гэта прызнанне заслуг таго, як прыватная iнiцыятыва, падтрыманая дзяржавай, можа трансфармаваць галiну i працаваць на iмiдж краiны.
Прынцыповыя пытаннi абмяркоўвалiся падчас наведвання Брэсцкага электралямпавага завода — найбуйнейшага вытворцы ў краiне светатэхнiчнай прадукцыi i крынiц святла. Прадпрыемства ў савецкi час i першыя гады незалежнай Беларусi было адным з горадаўтваральных у абласным цэнтры. Аднак змены на рынках, памылкi пры правядзеннi стратэгiчных накiрункаў развiцця, арганiзацыi вытворчасцi i маркетынгавай стратэгii заканамерна прывялi да пагаршэння вынiкаў фiнансава‑гаспадарчай дзейнасцi, значнага скарачэння працоўнага калектыву, страты былых пазiцый i знiжэння канкурэнтаздольнасцi.
З улiкам важнасцi вытворчасцi, на што не аднойчы падчас азнаямлення з работай завода Прэзiдэнт звяртаў увагу, было прынята рашэнне аб неабходнасцi карэннай мадэрнiзацыi вытворчасцi. Фактычна БЭЛЗ павiнен пачаць працаваць у новым фармаце. Асноўным прадуктам павiнна стаць святлодыёдная лямпа, якая будзе выпускацца на сучасных вытворчых лiнiях на прынцыпах робатызацыi i аўтаматызацыi, i пры захаваннi магчымасцей выпускаць традыцыйныя прадукты — лямпу накальвання i спецыяльную лямпу для асобных галiн прамысловасцi.
Магчымасцi для паспяховага развiцця БЭЛЗ аб'ектыўна iснуюць. Ёмiстасць рынку значная: толькi на прасторы Саюзнай дзяржавы штогод патрабуецца каля 350 мiльёнаў святлодыёдных лямпаў розных мадэляў. На прадпрыемстве захаваны iнжынерныя i тэхнiчныя кампетэнцыi, якiя дазваляюць вырашаць складаныя вытворчыя задачы. Аднак галоўным фактарам поспеху з'яўляецца якаснае кiраванне праектам мадэрнiзацыi. Менавiта эфектыўная арганiзацыя працэсу, жорсткi кантроль за выкананнем пастаўленых задач i павышэнне ўзроўню лакалiзацыi вытворчасцi могуць вывесцi прадпрыемства на новы ўзровень, што зможа забяспечыць рэнтабельнасць, знiзiць сабекошт i залежнасць ад знешнiх паставак.
Такiм чынам, рабочая паездка Прэзiдэнта ў Брэсцкую вобласць стала яшчэ адным пацвярджэннем таго, што развiццё рэгiёнаў застаецца безумоўным прыярытэтам дзяржавы.
Сяргей ЖУК, аналiтык Беларускага iнстытута стратэгiчных даследаванняў