Пытанню электаральнага суверэнітэту надаецца вялікая ўвага ў беларускім заканадаўстве. Пра гэта дырэктар БІСД Алег Макараў паведаміў журналістам перад пачаткам міжнароднага круглага стала "Забеспячэнне электаральнай бяспекі і супрацьдзеянне ўмяшанню ў выбары: вопыт Беларусі".
— Відавочна, што на сённяшні дзень выбары з'яўляюцца той адпраўной кропкай, калі "перапрашываецца" грамадскі дагавор, - адзначыў дырэктар БІСД. — У сувязі з гэтым у ходзе выбарчых кампаній у дачыненні да любой дзяржавы ўзрастаюць рызыкі. Таму пытанню электаральнага суверэнітэту, гэта значыць магчымасці дзяржавы самастойна, па волі свайго народа прымаць рашэнні аб сваёй будучыні, надаецца вялікая ўвага ў беларускім заканадаўстве. У Канцэпцыі нацыянальнай бяспекі Рэспублікі Беларусь электаральная бяспека вызначана як адзін з ключавых напрамкаў і адна з найважнейшых сфер бяспекі.
Па словах Алега Макарава, сёння ў ходзе круглага стала будуць абмяркоўвацца пытанні, звязаныя з прадухіленнем рызык, якія ўзнікаюць у ходзе электаральных працэсаў у краінах усяго свету.
- Неабходна зразумець, якім чынам краінам выбудаваць свае сістэмы, каб забяспечыць свабоднае волевыяўленне грамадзян і пры гэтым забяспечыць бяспеку выбарчага працэсу, - рэзюмаваў Алег Макараў.
