На працягу тыдня больш за 500 спецыялістаў медыяіндустрыі з 83 рэгіёнаў Расіі і ўсіх абласцей Беларусі сустракаліся з экспертамі на майстар-класах, рашалі рэальныя бізнес-задачы і медыякейсы ад заказчыкаў. Галоўная асаблівасць маладзёжнага форуму «ШУМ» у тым, што работа праводзілася адразу ў некалькіх накірунках. Усяго было прадстаўлена 52 кейсы ад 44 арганізацый. Пра гэта расказаў карэспандэнту sb.by праектны менеджар бабруйчанін Аляксандр Русаковіч.
Праект міжнароднай каманды быў прысвечаны пашырэнню дасведчанасці моладзі Расіі і Беларусі аб Саюзнай дзяржаве шляхам распрацоўкі і прасоўвання маладзёжнага інфармацыйнага рэсурсу.
Удзельніца міжнароднай каманды з Нафтаюганска Ганна Калмыгіна расказала:
- У нашай камандзе розныя рабяты: і па ўзросце, і па сферы дзейнасці, таму было цікава працаваць адзін з адным, - кожны мог цябе чыму-небудзь навучыць. Калі нехта нешта не разумеў, не паспяваў, усе дружна дапамагалі. Сама я са сферы культуры, а таму ўся тэхнічная частка распрацоўкі рэсурсу была нечым новым. Затое я змагла прафесійна зрэжысаваць відэаролік да прэзентацыі праекта. Па выніках абароны наш праект быў адабраны Федэральным агенцтвам па справах моладзі для далейшай рэалізацыі, а значыць, работа над ім будзе працягвацца, і мы чакаем новых сустрэч!
Як адзначыў праектны менеджар Аляксандр Русаковіч, у межах кейса было таксама праведзена апытанне пра дасведчанасць расійскай і беларускай моладзі аб Саюзнай дзяржаве. Аказалася, сярод апытаных 21% беларусаў і 65% расіян не ведаюць аб праектах, якія яна рэалізуе. Атрыманая інфармацыя лягла ў аснову работы форуму і дапамагла пацвердзіць многія гіпотэзы. Важна працягваць умацоўваць і развіваць Саюзную дзяржаву, каб забяспечыць маладым людзям лепшыя ўмовы для рэалізацыі свайго патэнцыялу і дасягнення поспеху.Адзіныя пазіцыі і голас моладзі ўзмацняюцца дзякуючы агульным механізмам супрацоўніцтва і форумам, дзе моладзь можа выказацца і прадставіць свае ідэі і прапановы. Такім чынам, Саюзная дзяржава мае вялізную значнасць для моладзі. Яна забяспечвае ўмовы для самарэалізацыі, садзейнічае міжкультурнаму абмену, развіццю актыўнай грамадзянскай пазіцыі і ахове інтарэсаў моладзі на міжнародным узроўні.
Маладыя людзі з Беларусі і Расіі сабраліся разам, каб абмеркаваць, як можна замацаваць эканамічныя і культурныя сувязі між дзяржавамі і стварыць больш моцную і ўстойлівую экспертную супольнасць. Ідэя стварэння інфармацыйнага рэсурсу для моладзі можа стаць драйвервм развіцця эканомікі і культуры рэгіёнаў.
«На ШУМе атрымалася і праект стварыць, і пасябраваць з удзельнікамі з Беларусі. Мы стварылі сваю маленькую Саюзную дзяржаву ўнутры каманды. Дзяліліся адзін з адным цікавымі фактамі і традыцыямі, і гэта дапамагло нам у рашэнні задачы. Упэўнена, што і ў будучым мы працягнем мець зносіны, працуючы над маштабным праектам разам!»- адзначыла ўдзельніца з Удмурцкай рэспублікі Ангеліна Дзвіняніна.
Маладзёжны форум стаў пляцоўкай для дыскусіі і абмену ідэямі, якія дапамогуць краінам-удзельніцам стварыць больш моцную і ўстойлівую экспертную супольнасць, а таксама актыўна развіваць медыясферу ў Саюзнай дзяржаве.
