Сустрэчу з ідэалагічным актывам вобласці правёў аналітык Беларускага інстытута стратэгічных даследаванняў Валянцін Старычонак.
Галоўнай тэмай для размовы стаў актуальны палітычны парадак у нашай краіне.
– Пасля 2020 года Беларусь страціла шэраг статусаў, якія мела раней: перастала быць мостам паміж Усходам і Захадам, для нас выбудоўваюць жалезную заслону і блакуюць развіццё добрасуседскіх адносін, – падкрэсліў Валянцін Старычонак. - У такой сітуацыі трэба прымаць меры, таму замест развіцця адносін з Захадам мы зрабілі паварот на Усход: Расія, Індыя, Кітай і шэраг іншых дзяржаў. Наладжваем сувязі і з Афрыкай.
Асаблівая ўвага была ўдзелена VII Усебеларускаму народнаму сходу. Спецыяліст расказаў аб яго ролi і функцыях. Ён адзначыў, што па выніках УНС будуць запушчаны новыя механізмы працы нашай палітычнай сістэмы. Іншымі тэмамі для абмеркавання сталі чаканні ад Года якасці і важнасць айчынных СМІ ў фарміраванні палітычнага клімату і настрояў у грамадстве.
