23 верасня 2024 года на пляцоўцы Беларускага інстытута стратэгічных даследаванняў адбылася экспертная сустрэча з дэлегацыяй Зімбабвэ пад кіраўніцтвам Марціна Рушвайя, Галоўнага сакратара Прэзідэнта і Кабінета Рэспублікі краіны.
Дырэктар БІСД Алег Макараў азнаёміў высокіх гасцей з асноўнымі напрамкамі дзейнасці iнстытута. Адбыўся канструктыўны абмен думкамі аб бягучым стане і перспектывах развіцця беларуска-зімбабвійскіх адносін. Асобна закрануты актуальныя пытанні пашырэння ўзаемадзеяння паміж аналітычнымі цэнтрамі дзвюх краін.
Удзельнікі пацвердзілі значную ролю экспертнага дыялогу ва ўмовах выклікаў сучаснасці, абмеркавалі міжнародны парадак дня ў глабальным і еўрапейскім вымярэннях.
Адказваючы на пытанні аналітыкаў аб стане і перспектывах беларуска-зімбабвійскіх адносін, Марцін Рушвайя выказаўся на карысць больш цеснай кааперацыі паміж прадстаўнікамі дзелавых колаў дзвюх краін, паглыблення камунікацыі паміж даследчымі цэнтрамі Беларусі і Зімбабвэ.
Па выніках сустрэчы дасягнута дамоўленасць прадоўжыць узаемадзеянне па пытаннях узаемнай цікавасці.
