19 верасня 2023 года ў межах экспертнага дыялогу “Беларусь і Кітай: агульная траекторыя развіцця” ў БІСД праведзена сустрэча ў фармаце круглага стала з дэлегацыяй Кітайскай нацыянальнай ядзернай карпарацыі (CNNC) і Цзянсускай карпарацыі ядзернай энергетыкі (JNPC). Адбыўся абмен поглядамі аб перспектывах развіцця беларуска-кітайскага навукова-тэхнічнага супрацоўніцтва і экспертнага ўзаемадзеяння, аналітычнага суправаджэння рэалізацыі канцэпцыі “Пояса і шляху”.
Кітайскія эксперты асвятлілі новыя падыходы да забеспячэння ядзернай бяспекі ў КНР, падзяліліся вопытам арганізацыі работы з грамадскай думкай у рэгіёнах Кітая па пытаннях развіцця ядзерных тэхналогій і энергетычнай бяспекі.
У сваю чаргу аналітыкі БІСД прадставілі сваё бачанне выкарыстання ў вытворча-тэхнічнай сферы інтэлектуальных інфармацыйных сістэм, у тым ліку напрацоўкі, якія маюцца, па інфармацыйна-аналітычнай сістэме маніторынгу БІСД “ІнфаМетрыка”. Па выніках сустрэчы дасягнута дамоўленасць працягнуць узаемадзеянне па пытаннях, якія прадстаўляюць узаемны інтарэс.
