7 ліпеня 2022 года адбыўся экспертны семінар на тэму “Паварот у Азію: сённяшнія рэаліі, надзённыя праблемы і вобраз будучыні”, арганізаваны Белрускім інстытутам стратэгічных даследаванняў (БІСД) сумесна з Нацыянальным цэнтрам маркетынга і кан’юнктуры цэн (НЦМКЦ).
Мерапрыемства прайшло ў межах медыйнага аналітычнага праекта “Вялікая гульня ў Азіі 2.0” і прымеркаванага да гадавіны яго запуску.
Удзельнікі семінара ў атмасферы адкрытай, давяральнай і прадметнай дыскусіі абмеркавалі сённяшняе становішча спраў, праблемы, якія маюцца, па ходзе працэсу дыверсіфікацыі знешнепалітычных і іншых сувязей Беларусі ў розных субрэгіёнах Вялікай Азіі, а таксама меры па павышэнні эфектыўнасці прасоўвання і абароны там нацыянальных інтарэсаў.
Як адзначыў дырэктар БІСД Алег Макараў, для эфектыўнага рознаўзроўневага пераключэння на супрацоўніцтва з краінамі Азіі, асабліва па лініі канкрэтных гаспадарчых суб’ектаў-экспарцёраў, патрабуецца якасная экспертыза, а таксама добра падрыхтаваныя матываваныя спецыялісты-ўсходазнаўцы. Але самае галоўнае – гэта дакладна бачыць мэту, верыць у сябе і свае сілы, а бар’еры і праблемы рабіць магчымасцямі.
У цэлым, па агульным прызнанні ўдзельнікаў семінара, для дасягнення якаснага рыўка ў бок Азіі трэба планамерна і настойліва ствараць там скразную інфраструктуру (гандлёвую, эканамічную, фінансавую, лагістычную, гуманітарную), суразмерную той, якая была пабудавана з заходнім светам.
На палях семінара агучаны некаторыя папярэднія дадзеныя праведзенага БІСД экспертнага тэматычнага анлайн-апытання, згодна з якім 56,5% рэспандэнтаў з ліку профільных спецыялістаў выказаліся на карысць распрацоўкі ў Беларусі асобнай азіяцкай стратэгіі.
Прэзентацыя зводных вынікаў дадзенага даследавання адбудзеца ў бліжэйшы час, пра што будзе паведамлена дадаткова.
