На бягучым тыдні працягваецца візіт у Кітай намесніка дырэктара БІСД Віталія Стахоўскага, які арганізаваны па запрашэнні Міжнароднага аддзела Цэнтральнага камітэта КПК.
4 снежня 2023 года прадстаўнік БІСД у складзе шматнацыянальнай дэлегацыі кіраўнікоў замежных аналітычных цэнтраў наведаў г.Ханчжоу, адміністратыўны цэнтр кітайскай правінцыі Чжэцзян.
У фармаце экспертнага дыялога з прадстаўнікамі мясцовай адміністрацыі Віталій Стахоўскі абмеркаваў перспектывы актывізацыі беларуска-кітайскага супрацоўніцтва на ўзроўні рэгіёнаў з віцэ-прэзідэнтам рэгіянальнага камітэта па супрацоўніцтву “Пояса і шляху” Мяо Чэньчао, кіраўніком канцылярыі па замежных справах мэрыі Ханчжоу Цзінь Хэнам і намеснікам кіраўніка муніцыпальнай камісіі па справах рэформ і развіцця Чэнь Чжоубінем.
Удзельнікі сустрэчы абмяняліся меркаваннямі па шырокім спектры беларуска-кітайскіх адносін з акцэнтам на прамысловую кааперацыю і турыстычную сферу, у тым ліку ў кантэксце асноўных вынікаў візіту Кіраўніка дзяржавы ў КНР і перагавораў, якія адбыліся на вышэйшым узроўні.
