БIСД - гэта вядомы інстытут не толькі на прасторы ШАС, але і далёка за яго межамі. Пра гэта генеральны сакратар ШАС Нурлан Ермекбаеў заявіў журналістам у Беларускім інстытуце стратэгічных даследаванняў. Генеральны сакратар ШАС узначальвае місію назіральнікаў ШАС па назіранні за выбарамі Прэзідэнта Рэспублікі Беларусь.
- Я вельмі рады наведаць Беларускі інстытут стратэгічных даследаванняў, - сказаў ён. — Гэта вядомы інстытут не толькі на прасторы ШАС, але і далёка за яго межамі. З нядаўняга часу, з 2024 года, Беларускі інстытут стратэгічных даследаванняў вызначаны як Нацыянальны даследчы цэнтр у форуме ШАС. Гэтая пляцоўка займаецца даследчымі і аналітычнымі працамі не толькі ў інтарэсах Шанхайскай арганізацыі супрацоўніцтва, але і ў больш шырокім міжнародным кантэксце: вывучае міжнародную абстаноўку, вызначае тэндэнцыі яе развіцця і, самае галоўнае, выпрацоўвае прапановы па далейшым развіцці супрацоўніцтва ў ШАС.
Па словах генеральнага сакратара ШАС, БІСД як Нацыянальны даследчы цэнтр ШАС ужо ўдзельнічае ў гэтых мерапрыемствах:
- Мы разлічваем, што сёлета БІСД прыме актыўны ўдзел у пасяджэнні форуму ШАС, а таксама ў працы кансорцыума эканамічных аналітычных цэнтраў ШАС. Гэтыя два форумы ўяўляюць сабой вельмі важны напрамак дзейнасці дзяржаў-членаў і партнёраў ШАС - так званая другая дарожка і аналітычнае навуковае абгрунтаванне забеспячэння дзейнасці Шанхайскай арганізацыі супрацоўніцтва.
Нурлан Ермекбаеў таксама дадаў, што ён вельмі рады таму, што першым мерапрыемствам візіту дэлегацыі ШАС стала наведванне Беларускага інстытута стратэгічных даследаванняў:
- Думаю, нам ёсць пра што пагаварыць, ёсць пытанні, па якіх можна абмяняцца думкамі. Каб наша ўзаемадзеянне прыносіла практычную карысць усім дзяржавам-членам ШАС.