У межах другога дня работы ў г. Нью-Дэлі міжнароднай канферэнцыі аналітычных цэнтраў Шанхайскай арганізацыі супрацоўніцтва (ШАС) 24 сакавіка 2023 года на сесіі: «Уз’яднанне дзеля стабільнасці: забеспячэнне бяспечнага адраджэння Еўразіі» дырэктар БІСД Алег Макараў выступіў з дакладам на тэму: «Праз кансалідацыю і супрацоўніцтва да міру і росквіту на прасторы ШАС: погляд з Беларусі».
У сваім выступленні кіраўнік БІСД даў кароткую ацэнку ролі і месца ШАС у кантэксце глабальнага «Павароту на Усход і Поўдзень», абазначыў бачанне спадарожных рызык і выклікаў, а таксама контураў «дарожнай карты» для экспертна-аналітычнай супольнасці ШАС праз прызму беларускага вопыту.
Міжнародная канферэнцыя ўяўляе сабой унікальную пляцоўку для правядзення двухбаковых сустрэч з патэнцыяльнымі партнёрамі, якія ўжо дзейнічаюць, па аналітычным «цэху» з краін «далёкай дугі», у тым ліку ў кантэксце маючага адбыцца паўнапраўнага членства Беларусі ў ШАС і прадстаўніцтва ў АДКБ.
Так, на палях мерапрыемства дырэктар БІСД устанавіў рабочыя кантакты і правёў папярэднія перамовы пра далейшае супрацоўніцтва з прадстаўніком Нацыянальнага інстытута стратэгічных даследаванняў (Кыргызстан), кіраўніком дэпартамента Інстытута эканомікі і дэмаграфіі Нацыянальнай Акадэміі Навук (Таджыкістан); з дырэктарам сектара камунікацыі Эмірацкага цэнтра стратэгічнага аналізу і даследаванняў (ААЭ) і кіраўніком Цэнтра міжнароднай бяспекі Інстытута стратэгічных даследаванняў (Манголія). Дасягнута дамоўленасць аб падпісанні мемарандума аб супрацоўніцтве БІСД з Інстытутам стратэгічных даследаванняў Манголіі.