У рамках развіцця партнёрскіх адносін з цэнтрам перадавога вопыту Глабальнага Поўдня DAKSHIN (Індыя) аналітык БIСД Ірына Русак 8 жніўня прыняла ўдзел у арганізаваным індыйскімі партнёрамі онлайн-семінары па тэматыцы пашырэння доступу да медыцынскай дапамогі з дапамогай тэхналогій (тэлемедыцына).
Даведачна.
DAKSHIN – ініцыятыва, накіраваная на абмен перадавым вопытам у розных галінах, уключаючы ахову здароўя, тэхналогіі і сельскую гаспадарку, у краінах Глабальнага Поўдня.
Мэтай семінара было заяўлена вывучэнне магчымасцяў узнаўлення і адаптацыі паспяховых ініцыятыў у галіне тэлемедыцыны ў краінах Глабальнага Поўдня. У ім прынялі ўдзел прадстаўнікі аналітычных цэнтраў, эксперты і спецыялісты з Індыі, Рэспублікі Гвінея, Балівіі, Тайланда, Кеніі і Уганды.
Удзельнікі абмяняліся ідэямі, падзяліліся перадавым вопытам і вызначылі магчымыя напрамкі супрацоўніцтва для маштабавання перадавых практык прымянення новых тэхналогій у ахове здароўя і аказання ўзаемнай тэхнічнай дапамогі.
У прыватнасці, адзначана, што прымяненне сучасных тэхналогій ва ўзаемасувязі са штучным інтэлектам здольна якасна мяняць традыцыйны стыль лячэння, павысіць якасць усёй сістэмы аховы здароўя і паслуг у цэлым.
Прадстаўнікі Індыі асаблівую ўвагу надалі розным аспектам практычнай рэалізацыі Нацыянальнага плана лічбавай аховы здароўя, а таксама развіццю лічбавых стандартаў ІТ-медыцыны.